ماغمضت عيني

امس باليل كاعد ما اجاني النوم
لحد وجه الصبح ما غمضت عيني
انومهة وجذب ما نامت العين
تفز مثلل طفل وتزود ونيني
انوم هاي .... فزت هاي
من تبجي الجرح خلتة ياذيني
اجروحي اليوم فزن والدليل احتار
وبحشاي اصبحت تاكل سجاجيني
احسن كلبي واكف ولنبض مكطوع
مثل ميت صرت ياهو الي يصحيني
صحيح انة نتهيت وما شكيت الحال
وما همني العمر خيولن سنيني
اذا تردين اخذي عيوني الاثين
انة مداين عمــــــــر ياهو الي يرد ديني
بجيت البارحة ومحد بجة وياي
ومن كثر الدمع غركت بساتيني
احس البصرة فاضت من دموع العين
وكل كطرة التذبهة تصيح وديني
أخذني ...
أخذني لفلانة يـ(g)والله مليت
اكللهة العشك كطع مصاريني
بقيت بروحي اكل مثل الذياب
اهمش بالكلب وكطع شراييني
يفلانة وداعتج ما اكدر بلياج
وبجمرة عشكنة تجوي جويني
واذا عندج نفط ذبي علة الدلال
وبنار العشك فدنوبة حركيني
اليوم انة اريد اشبكج وكتل الحسرات
وطفي النار هاية البينج وبيني
عليج العين تسئل ولجفن ما نام
وعلية الروح زعلت ما تحاجيني