قصيدة غزل شامية

موضوع: قصيدة غزل شامية السبت أغسطس 22, 2009 11:40 pm

بحبك حب الشباك للبرداية ، بحبك حب الأرنبيط للكوساية ...!

بحبك حب الشلمونة للكولاية .. بحبك حب الطشت للكبجاية..!

بحبك حب الزيت النباتي للمئلاية .. بحبك حب الجرابات للصرماية ..!

لك بحبك حب سلاحف النينجا للبيتزاية ...!!!

يا ريت تكوني شخبرة .. وكون أنا المحاية...

يا ريت تكوني بريات .. وكون أنا البراية...

يا ريت ما تحطيلي زء .. لما كون أنا جاية...!

بحب ضحكتك يللي متل صوت المعزاية ....بحبك حب الدؤونية لللهاية...

بحبك حب المألمة للشنتاية ....

يا ريت تكوني عوجا وكون أنا العرباية..

يا ريت تكوني طربيزة… وكون أنا كنباية ....

يا مدلوئة حياتي وشعيبيات عمري ووربات بئشطة روحي ...

يا أحلى زبدية محلاية...

بحبك حب الريموت للتلفزيون... بحبك حب درفة الباب للمندلون..

بحبك حب بنت اختي الفصعونة لسبيس تون...

بحبك حب أبو السوم للطابة.. بحبك اذا كنتي متنحة أو حبابة..

بحبك حتى لو كان صوتك متل موتور الدبابة..

سمعيني شوي لحتى احكيلك الأصة...

يا ريت تكوني حنفية مي عم تشرشر ... وأنا بعصّا..

نشالله ما يبلا هلطول ... متل عرئ الفصة...

لك يا ريت تكون معي هيكة كمشة بزر وأعطيكي نصا

بحبك حب منير الجبان لكلمة صباح الخير...

بحبك حب جهاد سعد لبرنامج خبرني يا طير...

لك بتسدئي ؟؟

بحبك حب جورج بوش لتوني بلير...شه....

بحبك حب الزلائط للمعؤوود....بحبك حب بيشو لأبو الفوود...

بحبك حب السعادين للقرود...

بحبك اذا كنتي ساكتة أو عم تحاكينا...

بحبك حب ابن اختي الفصعون لبوظة كارينا...بحبك حب البردآن .. للكرمنتينا ...!

حاجة بأه جننتينا!!!!!
[center]

آآســيـــــــر,,

لكـ آجمل التحيهـ وآآعذبها ,,

علىآ هذهـ القصيدهـ

التي تدل علىآ ذائقهـ فذهـ ,, كانت آجمل من القصيدهـ نفسها ,,

تقبل المرور المتوآآضع وفائق الآحترآآم..

الـجــــــــــــآآآآآزي

ابيات مميزهـ

واختيارات ذوووق

من قلم الآبدآآآع والذوووق

آحلى آ سـيـــــــــر ,,

صاحب الذوووق المرهف

والآحساس الرآآآئع

لاعدمت توآآآآجدك العطر معنا

دمت بوووود

مشكورين على هل كلام الطيب يا طيبين ولله خجلتوني هاد بيدل على الذوق الي ابتتمتعو فيو ومرا ثانيه مشكورين ونورتو الصفحه واتمنا لكن التوفيق ان شاء الله

اشكرك على طرحك المميز

» كلمات اغنية صمت القلب { قصيدة صمـ القلب ـت }