صمت القلب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى


اهلا بك يا زائر في منتديات صمت القلب
 
الرئيسيةبحـثالتسجيلدخول
من منتداكم منتدى صمت القلب نحيكم ونرحب بكـم ونتمنى لــكـم قضآء آسعد الآوقـآت

شاطر | 
 

 }{ معرس نسى زوجته يوم العرس }{

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آحـِـًٍـمًٍـد
عضو جديد
عضو جديد
avatar

عدد المساهمات : 113
نقاط : 163
تاريخ التسجيل : 19/08/2009

مُساهمةموضوع: }{ معرس نسى زوجته يوم العرس }{   الجمعة أغسطس 28, 2009 1:38 am

سالفة العريس اللي نسى زوجتــه




هذا واحد توه معرس وخلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم
والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد
الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط
في الوقت نفسه البنت كانت حسرانه ومتوهقه انها بس تتكلم عشان تقوله درة المياةالله يكرمكم
عاد هي طمرت في المرتبه الي ورا عشان تنسدح عشان يخف عليها الوجع .. الين يوصلون المحطه
المهم الرجال ما وعى الا هذيك محطه ويصفط عندها ......
وينزل عند البقاله وياخذ له كيس فصفص وكم ببسي حق الطريق ..
هو كان وده يخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك
البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت يابنت بيمديني اطمر واخلص وارجع قبل لا يرجع هو من البقاله
المهم المسكينه راحت واخذت وقتها
اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس
البنيه المسيكينه طلعت وهي مرتاااااااااااااااحه و نقص من وزنها كم من كيلووووو
وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله
عاد تخيلو الصدمه يوم عرفت ان زوجها دق سلف ومشى
والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع
شوي ما وعت الا ذاك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ... قالت زين عائله
وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها
وقالت .. يابنيتي انتي تعرفين سيارت زوجك .. قالت ايه اعرفها
قالت قومي اطمري نلحق على زوجك
ويعبون بنزين ويدعسون وراه
نعود الآن لصاحب الفصفص
اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا
والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع
نورا لجمس اللي في الداخل عشان العريس يشوف ان اللي في الجمس عائله
وأخيراااااااااااااا .. انتبه و يوقف ... قال وش عنده ذا
ونزل وهو معصب
عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.
. المهم راعي الجمس سلم وقال له اخوي ما كأنك مضيع لك شي
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله
المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه
ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه 00
قال يا ولد مرتك لقيناها عند المحطه انا واهلي وقالت لنا انها
نزلت لدورة المياة وانت مشيت ولا دريت عنها 00
عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلااا طسي عند زوجك شوفيه متصوووومع عليك
المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
وتقول لا تزعل مني انا كنت مستحيه اني اقولك اني طول الخط وانا ........!! .. وانت مشاء الله عليك ركبت السيارة وانطلقت
هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق ..






ان شاءالله بس اعجبتكم القصــه

تقبلوووو تحيااااااتي !! !!








إح ــــمـــــــد
الرجوع الى أعلى الصفحة اذهب الى الأسفل
شـ الـورد ـذى
عضو جديد
عضو جديد
avatar

عدد المساهمات : 31
نقاط : 53
تاريخ التسجيل : 28/08/2009
العمر : 26
الموقع : الأحســـــآء

مُساهمةموضوع: رد: }{ معرس نسى زوجته يوم العرس }{   الجمعة أغسطس 28, 2009 5:22 am

ههههههههههههههههههههههههه حلوه ذي نسى عروستهـ .. المعرس طلع دلخ ومفهي ههههههههههههههااااااي

تعيش أحمد وتأكل مثلها خخخخخخخخ

تسلم يالغلآ ع الطرح الرآآآئع

دمت بخـــــير ..
الرجوع الى أعلى الصفحة اذهب الى الأسفل
الجـٍَآزي
مراقبة عامه
مراقبة عامه
avatar

عدد المساهمات : 447
نقاط : 671
تاريخ التسجيل : 21/08/2009
الموقع : المملكه العربيه السعوديه ( الأح ــسـآء ) ..

مُساهمةموضوع: رد: }{ معرس نسى زوجته يوم العرس }{   الجمعة أغسطس 28, 2009 7:59 am

هههههههههههههااااااااااي امحق عريس اذا هذي البدايه نسى زوجته اجل بعدين وشو >> الله يستر

تلع مو قد زواج متعود ع العزوبيه >> مو مصدق انه تزوج وراه زوجه هع هع هع

يعطيك العافيه على الطرح الرآآآآآآئع


دمت بوووود
الرجوع الى أعلى الصفحة اذهب الى الأسفل
 
}{ معرس نسى زوجته يوم العرس }{
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صمت القلب  :: ( المنتديات الترفيهيه ) :: { قسم الفرفشه والتسـالي ~..-
انتقل الى: